Kito, bukatu da. Ezinak hartu du gain. Hiru egun daramatzagu, irrika biziz, e-mailaren zain, eguraldi iragarpenak haizea baretuko dela esango digun esperantzan, baina, eguna joan, eguna etorri, kontrakoa ari da gertatzen: aldiro haizea 10 km/h zakartzen da. Gaur jasotakoak dio gailurrean 100 km/orduko abiadura hartuko duela haizeak asteburuan.

[Leer el resto del artículo...]

Atzo jasotako eguraldi parteak esperantza zantzu batzuk piztu izan ez balitu, gaur, akaso, bidoiak berregiten eta Kanpaleku Nagusia desmuntatzen ariko ginatekeen, yakak noiz etorriko zain. Hau da hau eguraldi petrala! Perdigoi txikien pareko elur maluta kozkorrak denden kontra jausten dira gau eta egun haizearen indarrez.

[Leer el resto del artículo...]

Gaur, larunbata, eguraldi parteak bete-betean asmatu du: gau guztia aritu da elur ziputza egiten eta 5-10 zentimetroko geruzarekin esnatu gara. Zerua gris ilunetik ilunagora doa minututik minutura eta goizean zehar elurrari jarraitu dio etenik gabe. Egun pare bat daramagu Everesteko ipar aurpegia ikusi gabe; izan ere, aurreko egunetan ere eguraldia nahasi ibili da.

[Leer el resto del artículo...]

Juan, Alberto eta Mikel lehen saiotik jaitsi ziren egunean, Everesteko ipar hormaren azpitik bertatik mendiaren handitasunaz mira eginda geratu nintzen. Jota harrituta. Neure artean pentsatu nuen halaxe sentituko zirela 1974an Tximist espediziokoak hegoaldetik Everest ikusi zutenean. Mendiaren neurriekin harrituta. Eta, halaberean, esan nuen neurekiko, honexek beharko lukeela bilakaera logikoa: duela 35 urte Everest ohiko bidetik saiatzea zen erronka eta gaur egun Hornbein korridoretik eta era alpetarrean saiatzeak beharko luke.

[Leer el resto del artículo...]

Espedizioak antolatzeko modua ere asko aldatu da urteen joanean. “Lehen gutxienez urtebete lehenago eskatu behar zen baimena. Janari gehiena etxean erosten zen Katmandun gauza asko falta zirelako eta antolakuntza ia gehiena norberaren esku geratzen zen. Pixkanaka, Katmanduko agentziak gero eta profesionalagoak bihurtu dira eta gaur egun aukera dago aste gutxi batzuk lehenago baimena eskuratzeko eta dena antolatzeko.

[Leer el resto del artículo...]

Herenegun, ipar aurpegiaren magaletik Kanpaleku Nagusira (KN) bueltan gentozela, inork ez zuen hitzerdirik ere aipatu berriro saiatzeaz. 7.200 metrotan, hilaren 25ean eroritako elurtearekin izan litekeen lekurik makurrenean gaua begirik bildu gabe igaro ondoren, zortzi ordu luze bezperan igotako 1.200 metroak rapelatzen aritu ondoren eta horman igarotako tentsioaren ondoko hutsunearen ondoren, inork ez zuen barrenik berriro Hornbeinera itzultzeko aukerarik aipatzeko ere.

[Leer el resto del artículo...]

Alberto, Juan eta Mikel KNra bueltan dira eta ez da gutxi. Oraingo honetan
ezin izan da. Mikelek esaldi biribil batekin laburtu du atzo eta batez ere
bart gauean bizitako amesgaiztoa: "Gailurrik onena bizirik egotea da". Eta
ez da gutxiagorako. Igandera bitartean iragarritako leihoa bat-batean itxi
zen atzo. Egunean zehar eroritako elurtearen ondoren -15 bat zentimetro
bidean- ilunabarrean oskarbi geratu zen.

[Leer el resto del artículo...]

Iragarpenak ez dira inoiz fidatzekoak goi-mendian. Kanpaleku Nagusian zerua erabat estalita dago eta eguerdiaz geroztik elurra ari du xehe-xehe. Hiru-lau bat zentimetroko geruzak estaltzen du uneotan kanpalekua. Everest magal honetara iritsi ginenez geroztik, egunik okerrena izaten ari da. Badirudi altueran baldintzak zertxobait hobeak izan direla goizean zehar eta Albertok, Juanek eta Mikelek aparteko arazorik gabe iritsi ahal izan dute bigarren kanpalekuaren kokapenera (7.200 m). Dena dela, beraiek ere harrituta eta kezkatuta daude eguraldiarekin; ez zuten halakorik espero.

[Leer el resto del artículo...]

“Alea jacta est”, zioen Juan Vallejok gosaritan. Gaur goizeko 8:30ean abiatu dira Alberto, Juan bera eta Mikel Kanpaleku Nagusitik mira Everest gailurrean jarrita. Iragarpenek diote igandera arte eguraldi oneko leiho garbi bat zabalduko dela eta horri  eutsi diote fedez adina ilusioz. Minduk, gure sukaldariaren laguntzaileak, puja edo bedeinkapen zeremonia inprobisatu du abieran eta hantxe joan dira hirurak, Rongbuk glaziarrean gaindi.

[Leer el resto del artículo...]

Everesteko ipar aurpegi ikusgarriaren begiradapean, Rongbukeko monasteriotik lau bat kilometro gorago eta 5.000 metroko altueran, behin-behineko herrixka bat goratzen da. Hogeita hamarna dendaz osatutako bi ilara dira eta erdian harrizko halako zabalgune bat.

[Leer el resto del artículo...]

Hornbein korridorea alpetar erara eskalatzeko asmoa ausarta eta konpromiso handikoa da. Bakanak dira halako asmoak. Soilik 7 mendizalek lortu dute bide hori gainditzea eta igoera bakarra izan da alpetar erara. 1986an izan zen, Erhard Loretan eta Jean Troilleten eskutik. Lokomotora suitzarrak punta-puntan zeuden garaiko himalayisten artean. Eta igoera hura Everesteko historia osoan eta, Himalayakoan, oro har, inoiz izan den harrigarrienatzat hartu izan da.

[Leer el resto del artículo...]

Everesteko ipar aurpegi ikusgarriaren begiradapean, Rongbukeko monasteriotik lau bat kilometro gorago eta 5.000 metroko altueran, behin-behineko herrixka bat goratzen da. Hogeita hamarna dendaz osatutako bi ilara dira eta erdian harrizko halako zabalgune bat. Lonazko herrixka bat, Everesteko irudi itzela ederretsi eta erretratatzeko irrikaz iristen diren turistak aterbetzeko.

[Leer el resto del artículo...]

Bigarren irteera Everesteko ipar aurpegiaren ohiko bidera. Alberto, Juan eta Mikel gaur goizeko 9:45ean abiatu dira Kanpaleku Nagusitik, motxilak gainezka. Oraingo honetan helburua da 7.000 metroz goitik 3 gau lo egitea eta, ahal dela, gau bat 7.500 metrotan. Hau da, xedea da altuerara girotzeko fasea amaitutzat ematea, berriz ohiko bidera bueltatu behar izan gabe. Aurrerantzean, behin bigarren irteera hau amaituta, Hornbein korridorean jarriko dute bihotz-arima.

 

[Leer el resto del artículo...]

Alberto, Juan eta Mikel itzuli dira jada Everesteko ipar aurpegiko bide normalera daraman bailaratik, altuerara egokitzeko eginahal horretan. Gau bat egin dute 6.000 metrotan eta beste bi 6.500 metrotan, ohiko bidearen Kanpaleku Nagusian. Ostegun eguerdian abiatu ziren KN-tik eta lau ordu eskasetan iritsi ziren 6.000 metrora. Han denda kozkorra paratu eta egin zuten lo.

[Leer el resto del artículo...]

Azken aldi honetan, badira gauza batzuk era honetako espedizio handietan
sekulako nekea eragiten didatenak, adinaren ondorioz seguru aski; baina aldi
berean, aintzat hartzen ikasten duzu duela urte batzuk ezdeusaren parekotzat
jotzen zenituen beste gauza batzuk, hala nola, pentsatzeko, irakurtzeko edo
‹orain bezalaxe‹ idazteko aukera ematen didan astialdia.

[Leer el resto del artículo...]

Gaur, aurreko egunetan ez bezalaxe, sekulako eguraldi ederraz hasi dugu
eguna. Everest betiko lekuan dagoela egiaztatu ahal izan dugu (duda egiten
hasiak ginen, benetan). Ondorioz, motxila barruan sartu dugu behar dugun
guztia, mendebaldeko Rongbuk glaziarrean zehar lehen ekinaldia egin eta
egokitzealdia amaitu ondoren jorratu beharko dugun ibilaldiaren nondik
norakoak aztertzeko asmoz.

[Leer el resto del artículo...]

Irailaren 5ean iritsi ginen Everesteko Kanpamentu Nagusira, eta harez
geroztik, eguraldi kaxkarra izan dugu nagusi. Ez digu ezer egiteko aukerarik
eman, eta dendak instalatzeko lana euria eta elurra tarteka ari zuela egin
behar izan genuen. Datozen egunotan eguraldiak hobera egitea espero dugu,
egokitzealdia hasteko aukera izan dezagun.

[Leer el resto del artículo...]

Txinatarren Kanpaleku Nagusian gaude, 5.000 metrotan. Arrapaladan iritsi gara Katmandutik hona; hiru egun eskasetan Everest handiaren magalean gaude. Atzo, osteguna, ikusi genuen lehenbizikoz, nahiz eta puntatxoa baino ez zuen agertu. Gaur bai, gaur bere edertasun osoan azaldu zaigu goizaldean.

[Leer el resto del artículo...]

Goiz mugitu gara gaur: 6:00ak baino lehen. Nyalamera iritsiko bagara, garaiz abiatu behar dugu Tibeteko muga aldera.
Raik, Thamserkuko kideak ohartarazi digu:
- Atzo irekita zegoen bidea, baina gaur batek daki! Auskalo zer gertatu den bart gauean!

[Leer el resto del artículo...]

Katmandu eromena da, kutsadura-laino batek gandu artean bildutako hiri kaotikoa. Lau milioi eta erdi lagun bizi dira duela urte gutxira arte bi milioi besterik bizi ez ziren espazio berean. Maoisten oldarraldian jendeak herrietatik hirira egin zuen eta gaur egun Nepaleko bost biztanletik bat hiriburuan eta haren eraztunean bizi da.

[Leer el resto del artículo...]

Gelak berreskuratu du aurreko itxura. Umeek ez dute jada behin eta berriro atetik kiku egiten dendan lo egin nahi dutela errepikatuz. Alberto Iñurrategik, Juan Vallejok, Mikel Zabalzak eta idazten ari den honek desmuntatu dugu jada hipoxia kamara, abuztu honetan gure logela izan dena, eta Katmandura bidean gara.

[Leer el resto del artículo...]